Vrau një person në Kinë, hantavirusi që përhapi panik nuk është një virus i ri
Vrau një person në Kinë, hantavirusi që përhapi panik nuk është një virus i ri
24 Mars 2020
Raportimet se një person në Kinë ka vdekur si pasojë e një virusi të quajtur hantavirus, ka përhapur shumë panik në një kohë kur bota po lufton me pandeminë e koronavirusit.
Koronavirusi që filloi po në Kinë ka vrarë mbi 16,000 njerëz në mbarë botën dhe shpërthimi i tij ende nuk po vihet nën kontroll.
Ndërkohë mëngjesin e sotëm, hantavirus u bë kryefjala e postimeve në “Twitter”, pasi mediat shtetërore kineze postuan për një person të vdekur nga ky virus.
Por rezulton se hantavirusi nuk është një virus i ri dhe ka dekada të tëra që infekton njerëzit.
Gazeta shtetërore kineze, “Global Times” shkruante të marten në “Twitter”: “Një person nga provinca Yunnan vdiq teksa po kthehej për në provincën Shandong dhe ndodhej në autobus. Gjithashtu edhe 32 personat e tjerë në autobus u testuan pozitiv për hastavirusin”.
Ky postim i “Global Times” u shpërnda mbi 6 mijë herë nga përdoruesit e tjerë të “Twitter”-it. E si pasojë, hastavirusi u kthye në një trend në këtë rrjet social.
Disa njerëz e kanë quajtur atë si një virus të ri, por në fakt nuk është ashtu. Qendra Kombëtare e Informacionit të Bioteknologjisë së Shteteve të Bashkuara (NCBI) në një ditar shkruan se aktualisht, hantavirus përfshin më shumë se 21 specie.
Në vitin 1978, një agjent Korean u izolua për shkak se u infektua nga një brejtës në fushën pranë lumit Hantan në Korenë e Jugut.
Virusi u emërua si Hantaan, nga emri i lumit Hantan. Në vitin 1981, një gjini e re e quajtur si “hantavirus” u prezantua në familjen Bunyaviridae, e cila përfshinte viruset që shkaktojnë ethe hemoroligike me sindromën renale (HFRS).
©Copyright Gazeta SHQIP